رنامج TeamViewer( تحكم عن بعد واصلح جهاز صديقك)

TeamViewer( تحكم عن بعد واصلح جهاز صديقك)

برنامج TeamViewer( تحكم عن بعد واصلح جهاز صديقك)

مرات تواجه مشكله في شرح تركيب برنامج معين لصديقك اخوك حد بعيد عنك وما تقدر توصل له وساعات تيلس تشرح للطرف الثاني اعمل كذا واضغط على كذا وهو مب مستوعب ! تكلمه بالتيلفون مافي فايده تشرحله الخطوات بالمسن ماشي فايده ! يطلع لك قرون وانت تحاول تساعده , والمسكين مب مستوعب او الخطوات الي يطبقها غلط ! مأساة تحسها ومعاناة تتكبدها وانت تحاول تساعد !

بالبرنامج هذا تقدر تخدمه وتساعده وتقدم يد العون وانت يالس في مكانك تدخل كبيوتره وتنزل البرامج عنده تركب الباتشات تغير الاعدادات وبعدين تسوي فيه اخساس وتسكر الصفحات الي فاتحنها , تتحكم بالكامل بكمبيوتره وانت في مكانك تحرك الماوس وتضغط هني وتشوف الاخطاء ,,

اسم البرنامج TeamViewer

صورة البرنامج

المواصفات

1 - البرنامج عبارة عن نسختين الاولى كامله وهي الي يركبها المتحكم وينزلها عنده والثانيه النسخه الاخف هي الي يركبها المتحكم به , واذا حب الطرفين انهم يركبون النسخه الاولى مافي مانع

2- المتحكم ما يقدر يدخل كمبيوتر ربيعه او اي شخص عنده نفس البرنامج الا اذا الطرف الثاني عطاه اليوزر والباس الوورد الخاص بالدخول وسمح له بالموافقه ( يعني من يخلص المتحكم بالتعديل المطلوب شوته فنجر برع كمبيوترك )

3- البرنامج سهل الاستخدام تظهر للمتحكم شاشة المتحكم به والديسك توب ماله

4- المتحكم به يشوف حركه ربيعه ويعرف بتواجد الاخ عنده ويظهر له في الديسك توب علامة ادل على ان المتحكم موجود

التركيب

1- اضغط على ايقونة البرنامج بتطلع الصفحة الاولى

2- اختار الاختيار الثاني واضغط next

3- حط علامة صح على الاختيارين تحت واضغط next

4- اختار الاختيار الاول واضغط next

5- البرنامج ينزل في كمبيوترك بشكل سليم

6- بعد انتهاء تركيب البرنامج بنجاح

نروح على الديسك توب ونشغل البرنامج بتطلع هالصفحة

شرح صفحة البرنامج

1- فيها ( من خصائص المتحكم به )

ID وهو الرقم الخاص فيك والي تقدر اطرشة لاي شخص يبا يصلح كمبيوترك

Password وهو الرقم السري الي تعطيه كذلك لزميلك اذا بغيته يدخل كمبيوترك

2- فيها من (خصائص المتحكم )

ID وهني يحط المتحكم رقم ID ربيعه عشان يدخل كمبيوتره ويضغط على Connect to Partner من بعد ما يضغط على Connect to Partner بتظهر لك صفحة فيها طلب لاضافة الباس وورد وطبعا تحط رقم باس وورد صديقك ومنها تدخل كمبيوتره وتعدل فيه

بعض الاحيان الطرف الثاني ما يبا ينزل البرنامج بالكامل عنده عندها خله ينزل البرنامج الثاني وهو برنامج تشغيلي فيه خصائص نفس الخصائص في البرنامج الاول وفيها فقط ID الخاص بالمتحكم به والـ password الخاص فيه والي يطرشها لربيعه عشان يدخل كمبيوتره

لتزيل البرنامج الاول الكامل اضغط هنا

لتنزيل النسخه الثانيه اضغط هنا

أتمنى البرنامج يفيدكم في حل مشاكل اصدقائكم وترتاحون من الشرح والتعب

تحياتي

رد: رنامج TeamViewer( تحكم عن بعد واصلح جهاز صديقك)

برناج رهيييييييب


اشكرك اخي بو فلاح على هذا البرنامج المميز


الذي اتى لنا من شخص مميز


بارك الله فيك

تقبل مروري