لعب با لقصيد

قلت أبلعب بالقصايد قالت ألعب وش يهمك

أصلها عاده قديمه من عرفتك وأنت غاوي

قلت يعني تنصحيني جاوبت ياثقل دمك

لاتعلمني بجنونك أعرفك لو كنت ناوي

قلت بس أبغى أشوفك وأضحكت ياحليل أمك

تدري مجروحه الشهاده وأنت تجرحها وتداوي

ورني وشلون تلعب قبل لا عنادك يخمك

ثم تصير إنسان ثاني تختلف فيه الهقاوي

قلت طيب قربيهم يدك وصدرك وفمك

قالت أعقل وش جرالك خلف هاللعبه بلاوي

قلت طيب شجعيني صفقي بكفك وكمك

قالت بذمتك صاحي ياولد شكلك مخاوي

قلت ماخاويت غيرك وأسألي خالك وعمك

ياكثر ما لاحقوني عقب تفحيط العراوي

كيف أبلعب بالقصايد والفكر والوجد يمك

شوفة عيونك حروفي صار يذيلها الشقاوي

المتيم وش يسوي لاغدا حلمه يضمك

حققي حلمي فديتك قربي بعد الخطاوي

ليه للورد أنحيازك ذاب وأطيابه تشمك

ليتني ورده وأشمك وأذبل ولاني بقاوي

طالبك تكفين عمري أنفثي بالقلب سمك

دامها عندك تساوت ودي بموتي خلاوي

ألدغيني وأتركيني لا أهمك لا أهمك

وخبري من كان يسأل راح تفحيط العراوي


تقبلو مروري

اخوكم:وضاااااااااح ابو تركي



التوقيع

يعطيك الف عافيه