بَرْد الشِتاء

بَرْدالشِتَاء

"حِنّا على أبْوَابْ الشِتَاء ! " / والشِتَاء بَرْد !

و النار هــذي ,, ما يدفّي ,, حَطَبها !

و بَرْد الشِتاء واقف على ضلوعي الجِردْ !

وعيني , أشوف الدَمْع يأكل هَدَبْها ..!

يا وَرْد ! ما مَرّك ,, دِفَــا العُمْر / يا وَرد ْ ؟

عدَّت سنينك / ما أعْرِف اللي سَلَبْهَا ..!

وَ الشِتَاء بَرْد ! / وأشتاقه /و اِحِنْ له / وأخَافَه..

و المِسَاء .. فيه / مُتْغَطْرِس / و مُتْكَبِر / و أناني ..

و الليَالي فَـــ الشِتَاء / تِقْصَر .. ولو طال انتصَافَه ..

بـــ السوالف / و الدِفَا / والبَرْد ! / ما بين المحاني !

و الـــ [ الحَنِيْن ] اللي مرافيَّه .. / تهَشّمها ضِفَافه ..

ما لقَى / في صَدْرِي إلا , حَسْرة ٍ بين / المواني ..

و ما يحس بــ بَرْد قَلْبَكـ / غير من يَسكن شِغَافه ..!

كُلْ.. ما ./ .خَيَّم .. عليك الـــ بَرْد ! / جابته ,, الثواني ..!!

الدِفَـــا : ما هو بــ فَرْو ٍ .. / تَلبِسَه / وإلا لِفَافه !

الدِفَـــا : روحك تــضُمْه , من غلا .. / في روح ثاني !

الله يستر من البرد والسقيع قالو بالبلاد برد ياساتر تسلم

ابيات جميلة تعبر عن حال فصل الشتاء تسلم عبدالعزيز تقبل تحياتي